Michl realoaded: Da Michl von Schnallnberg - Episode 3

Details

Montag, 25. März 2013 21:22

views:1902

MICHL. Die woame Jahreszeit steht vor da Haustür. De Gsichter wern wieder freindlicher, de Röck von de Madln wern wieder kürzer und de Tage länger. Kurzum  s’Lebn moch afoch wieda mehr Freud  waun da Lenz kimmt. Für de ganz jungen unter uns, unter Lenz versteht ma landläufig de Jahreszeit Frühling. Unweigerlich denkt ma dabei natirli a ans Baden und des erinnernt mi an a nette Gschicht von zwa Steyrer Buam, de i amio aus erster Hand vazöt kriagt hob, oba damals hob i vagessn das is gschriebn hätt…

Jedenfalls is damals da Bernd an am flauen Frühlingstagerl im Stadtteil Münichholz unterwegs gwest und trifft rein zufällig in Hari. Da Hari hat si auf den schönen Frühlingstog aufi grod a Flascherl Pernot kauft ghobt und des hat dann glei fesch zaumpasst, weil in Gsöschofft schmeckt ja so a Tropferl glei vü besser wia alane. Da Pernot ging dann hurtig zur Neige und so san dann de zwa Vögl mit’n Autobus in’d Stadt einizwitschert, weil wer was trunken hat, will unter d’Leut des woa scho immer so.

Irgendwie, des wissen’s söba nimma so exakt, san unsere zwa Frühlingsdrossln dann auf da Eyblbruckn zum steh kema, und durch an unglücklichen Zufall, rennt eana dort da Ringo übern Weg. Da Ringo Richards, is a eher unbekannter Rockstar aus Münichholz, der im bürgerlichen Namen Martin hoast, wia ma so hört. I glaub es woa a da Ringo, der dann die prächtige Idee geborn hat, da Bernd und da Hari kunntn doch von da Eyblbruckn in’d Enns springa, des wa a tolle Sache hat da Ringo gmant, weil da wuatns dann schlogoatig berühmt.

In Bernd und in Hari hat des natirli sofort überzeugt und da Ringo woa a nu bereit das er auf eana Gwand aufpasst, oiso is an gmütlichen Plantscherl nix mehr im Wege gstandn.  Los is oiso ganga mit Masse moi Erdbeschleinigung von da Bruckn obe in die Flutn. Etla Obschürfungen und Plessuren hams freilich schon davontragn unsere zwa Acapulcospringer, oba insgesamt is recht guat ganga.

Da Wirt von da Gallerie hat dann weniger Freud ghobt mit de zwa Heldn von da Eyblbruckn, weil’s gmant hom sie brauchn a paar Handtücher von seim Klo. Ma muass dazuasogn, dass de zwa nimma ganz salonfähig warn noch dem Stunt, und an Durscht hättns dann an no ghabt und des war dann mit den normalen Gäst nimma vereinbar, hat da Wirt gmant. I find des net ganz in Ordnung von eam, weil nach so ana reifn Leistung, hätt i denen zwa auf jeden Fall a trockenes Platzerl und a Achtl vagönnt, was auch von Euch hofft

Euer Michl

Dem Michl a Gschicht vazön: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! .